اسلام آباد۔27اپریل ( اے پی پی) صدر ممنون حسین ئَ گشتگ کہ پاکستان ئَ اوگانستان ئَ امنءُ ایمنی ءُ مھکمی ئِ ھاترئَ دائمئَ جوانیں کرد پیلو کتگ، اے ھوالگئَ آ ئی ئَ روس ئِ تعمیری کردئَ را ساڑاتگ، انوگیں میاں اوستمانی جاورھالانی تہا پاکستان ئِ دری پالیسی گہتر اَنت ءُ ایشاں جوانیں سوبمندی حاصل کتگ۔ صدر ئَ اے گپ پنچ شمبے ئِ روچئَ نیشنل سکول آف پبلک پالیسی ئِ تہا تربیت زوروکیں افسرآنی گوما تران کنانئَ کتگ۔ صدر ئَ تربیت زوروکیں افسر آنی جستانی پسو داتگءُ گشتگ کہ اوگانستان ئَ امنءُ ایمنیءُ مھکمی مئے اولی دلگوشی اِنت۔ اے ھوالگئَ پاکستان روس ئِ جوانیں کردئَ را راست لیک ایت ۔ آئی ئَ گشتگ کہ اوگانستان ئَ جاورھالانی ھرابی ئِ اثر پاکستان ئِ ھم سرئَ بنت، ھمے ھاترئَ پاکستانئَ اوگانستان ئِ تہا مھکمی ئِ ھمک کوشست ئِ سوبمندی ئِ ھاترئَ ایمانداری ئِ سرئَ کار کتگ۔ صدر ئَ گشتگ کہ روس ئَ گوں جوانیں سیادی ئِ لوٹوک اِنت ءُ روس ئِ گوما وشیں سیادی پاکستان ئِ دری پالیسی ئِ سوبمندی اِنت۔ صدرئَ گشتگ کہ ریاست ئِ بنیاتئَ زھباریئِ مارشت ھما وھدئَ ودی بنت وھدے کہ اُلسی جیڑھ آنی گیش ءُ گیواری کنگئَ دیر بیت۔ ایشی ئَ چہ ریاست نیزور بیت۔ ھمے ھاترئَ اُلسی جیڑھ ئِ گیش ءُ گیواری ئِ ھاترئَ ھچ رکاوٹ ئَ را موکل دیئگ مہ بیت۔
