اسلام آباد۔ 27 اپریل (اے پی پی) مسلم لیگ (ن) نا راہشون دانیال عزیز نا پاننگ ئِ کہ عمران خان 10 ارب روپئی نا پیش کش آ بیوقوف آتیانبار دروغ تڑینے، اودے دا پیشکش کروک آناپن ئِ قوم ئِ پاروئی مریک، او و جہانگیر ترین تینا برخلاف لگوک آ دوبہ غاتا بابت شاہدی پیش کپننگ ئُ۔ پنچ شنبے نا دے الیکشن کمیشن نا پیشن میڈیا تون ہیت وگپ کرسا اوپارے کہ وخت تدینگ انگ تون اوار اوار عمران خان نا غٹ دوبہ غاتے اسٹ اسٹ کرسا دروغ ثابت مسنو۔ اوپارے کہ داکان مست عمران خان گھوڑا ہسپتال، پینتیس پنکچر و گچین کاری تیٹی دھاندلی کون آ دوبہ غاتے خلکونے و ہندا دوبہ غاتیان پد دا ہیت انا اعتراف ئِ ہم کرینے کہ دا سیاسی بیان اس ئس۔ دانیال عزیز پارے کہ عمران خان داسہ مسلم لیگ (ن) آ 10 ارب روپئی نا پیشکش نا دروغ دوبہ غا ہم وار وار بیان ئِ بدل کننگ ئِ ، اودے مون آ بروئی مریک و پیشکش کروک آ بندغ نا پن ئِ قوم ئِ پاروئی مریک۔ اوپارے کہ عمران خان و جہانگیر ترین تینا زی آ خلوک آ دوبہ غاتا شاہدی پیش کپننگ ئُ و ڈکھنگ نا کوشست کننگ ئُ نن اوفتے ہلسا سپریم کورٹ آ اتینہ ، دانیال عزیز پارے کہ اودے قوم اتون تڑوک آ دروغ آ بشخنداری خواہوئی مریک۔
