یاسین ملک آ پدریسہ ظلم و ستم کشمیری تے اوفتا نمائندہ توار آن محروم کننگ نا بھارتی ڈٹ انا بشخ اسے، وزیراعظم شہباز شریف

اسلام آباد۔ 22 جولائی (اے پی پی) وزیراعظم شہباز شریف پارینے کہ بھارت نا کنڈآن حریت راہشون یاسین ملک آ پدریسہ ظلم و ستم کشمیری تے اوفتا نمائندہ توار آن محروم کننگ نا ڈٹ انا بشخ اسے۔ جمعہ نادے آ تینا ٹویٹ اٹی اوپارے کہ سٹی آ مقدمہ غاتیان ہلیس درو کننگ نا مقدمہ اسکان ، ہرااستثنا تون بھارت سیاسی کارندہ غاتا انسانی حق انا خلاف ورزی ءِ کننگ ءِ، داڑآ انسانی حق انا محافظ آتے بایدے فکرمرے۔