اسلام آباد۔ 27 اپریل (اے پی پی) اقوام متحدہ اوغان مہاجر آتا میزبانی کننگ آ پاکستان نا خذمت آتا ستائِ کرینے، اقوام متحدہ نا پناہ گزین تے کن ہائی کمشنر کیہی عشرہ غاتیان اوغان مہاجر آتا میزبانی ئِ کننگ و اوفتے زند انا بنداوی گرج آتا فراوانی کن پاکستان نا ستائِ کرینے۔ اقوام متحدہ نا اسسٹنٹ ہائی کمشنر والکر ٹرکس نا سروکی ٹی بڑزکو کہولی ڈل بنجائی وزیر سیفران لیفٹیننٹ جنرل (ر) عبدالقادر بلوچ تون اوڑدہی ٹی پارے۔ داوخت آ بنجائی وزیر پارے کہ پاکستان اومیت کیک کہ غٹ پناہ گزینک دا سال انا ایسر اسکان تینا وطن آ پدی کارہ۔ اوپارے کہ اوغان مہاجر آتا وطن آ پدی ہِننگ کن اوغانستان اٹی سازگار چاگڑد آن اوفتا وطن آ پدی ہِننگ کن است بڈی مریک۔
