اسلام آباد ۔ 26 اپریل (اے پی پی) تہی کارانی وزیر چوہدری نثار علی خان ئَ ڈان لیکس انکوائری کمیٹی ئِ رپورٹ مزن وزیر ئَ را روان دات۔مزن وزیر ئِ نیمگ ئَ منطوری ئَ پد سپارش آنی رد ئَ کاروائی کنگ بیت۔ چار شمبے ئِ روچ ئَ تہی کارانی وزارت ئِ نیمگ ئَ جاڑی بوتگیں بیان ئِ رد ئَ کمیٹی ئِ توامیں باسک آنی گوما تپاکی شور ئَ گوں سپارش کتگ۔ اے رپوٹ شش ئُُ نیم ماھ ئِ نیام ئَ سرجم کنگ بوتگ ایشی ئِ تہ ئَ کمیٹی ئِ شش دیوان برجم دارگ بوت۔ کمیٹی ئَ بنداتی رنگ ئَ سیکرٹری اسٹیبلشمنٹ ئِ سروکی ئَ یک جھلی ئَ روان دات ایشی ئِ 16دیوان برجم دارگ بوت ئُُ ایشی ئَ توامیں ریکاٹ آنی پٹ ئُُ پول ئُُ گواہ آنی چار ئُُ تپاسی کُت۔ انکوائری کمیٹی ئِ سروکی جسٹس (ر) عامر رضا خان کنگ ئَ اِنت وھدیکہ ایشی ئِ تہ ئَ سیکرٹری اسٹیبلشمنٹ طاہر شہباز، محتسب پنجاب نجم سعید، ڈائریکٹر ایف آئی اے لاہور عثمان انور ئَ ابید ایم آئی، آئی ایس آئی ئُُ آئی بی ئَ چہ یک یک نمائندگ ئِ زورگ بوتگ۔ اے سپارش آنی سر ئَ کاروائی کنان ئَ مزن وزیر ئِ منظوری ئَ پد عمل کنگ بیت۔

متعلقہ مضامینمصنف کی طرف سے مزید