اسلام آباد۔ 26 اپریل (اے پی پی) تہی کارانی وزیر چوہدری نثار علی خان ئَ سی ڈی اے ئُُ اسلام آباد انتظامیہ ئَ را ہدایت کُت کہ ردیگ ایں کارندہ آنی ھلاپ ئَ کاروائی ئَ ھوار وتی ادارگ ئِ واستہ پہ کم شرپ بوھوک آنی ھلاپ ئَ ایکشن نہ زورکیں اپسرگ آنی جواب طلبی کنگ بیت۔ وزیر ئِ تہی کار چوہدری نثار علی خان ئِ سروکی ئَ سینئریں اپسرگ آنی دیوان چار شمبے ئَ برجم دارگ بوت۔ دیوان ئَ وزیر ئِ تہی کار ئَ نادرا ئُُ اسلام آباد ٹریفک پولیس ئَ را ترندیں مکن کتگ کہ راولپنڈی ئُُ اسلام آباد ئِ شہری آنی سفر ئِ مشکلہ آنی تہ ئَ گیشی ئِ جاور لائک ئِ برداشت نہ اَنت۔آئی ئَ گوشت کہ اگاں مردم آنی زندمان ئِ تہ ئَ آسانی ئُُ آسراتی پیداک کُت نہ کن اَنت گڈا آوانی سر ئَ مشکلہ آناں گیش مکن اَنت۔ آئی ئَ گوشت کہ سرجمیں روچ ئَ ھال رسانکی در آنی تہ ئَ را رپوٹ ئِ تچگ ئَ ابید نادرا ئُُ ٹریفک پولیس ئِ نیمگ ئَ شہری مردم آناں مشکلہ آں چہ گستا کنگ نہ بیت۔ توامیں جیڈھ آنی تہ ئَ تہی کارانی وزارت ئَ را دست مانجنی کنگ کپیت، ادارگ وتی کار ئَ وت چیا نہ کن اَنت۔ وزیر ئِ تہی کار ئَ گوشت کہ اگاں ھمے جاور بوت اَنت گڈا سیادی داروکیں ادارگ آنی تہئَ مزنیں سیٹ آنی سر ئِ اپسرگ آنی ھلاپ ئَ ترندیں گامگیج زورگ کپیت۔ وزیر ئِ تہی کار ئَ گوستگیں روچ ئَ شاہ آمید گس ئَ مارگلہ کوہ ئُُ درچک آنی گڈگ ئِ بابت ئَ کاروائی ئِ سر ئَ نوٹس زورت۔ تہی کارانی وزیر ئَ چیف کمشنر اسلام آباد ئَ را شاہ آمید گس ئِ جج آنی ریمارکس ئُُ پنت ئُُ شون ئِ سر ئَ زوت کار کنگ ئِ حکم دات، تہی کارانی وزیر ئَ اسلام آباد انتظامی ئَ چہ لوٹ کُت کہ اگاں تہ چیر دستی ئَ اے دُرستیں کار بوتگ اَنت گڈا تو پرچا نوٹس نہ زُرتگ ئُُ زمہ وار آنی ھلاپ ئَ انوگ ئَ تاں کاروائی چیا نہ کتگ۔
