آرمی چیف جنرل قمر جاوید باجوہ ئَ گوں اٹلی ئِ چیف آف آرمی سٹاف جنرل ڈینیلو اریکو ئِ گند ئُُ نند، وت مہ وتی واھشت ئُُ ھاسیں رنگ ئَ ناشرکاری ئِ گر ئُُ دار ئُُ ھیل کاری ئِ پڑ ئَ اُردی یکوئی ئَ را گیش کنگ ئِ جیڈھ آنی سر ئَ ھیال ریچی

راولپنڈی ۔ 26 اپریل (اے پی پی) پاک فوج ئِ سربراہ جنرل قمر جاوید باجوہ ئَ گوں اٹلی ئِ چیف آف آرمی سٹاف جنرل ڈینیلو اریکو ئَ گند ئُُ نند کُت ایشی ئِ تہ ئَ وت مہ وتی واھشت ئُُ ھاسیں رنگ ئَ ناشرکاری ئِ گر ئُُ دار ئُُ ھیل کاری ئِ پڑ ئَ اُردی یکوئی ئَ را گیش کنگ ئِ جیڈھ آنی سر ئَ باست ئُُ واست کنگ بوت۔پاک اُرد ئِ شوبگ (آئی ایس پی آر) ئِ رد ئَ اٹلی ئِ چیف آف آرمی سٹاف چی ایچ کیو ئَ سر بوت گڈا آرا پاک اُرد ئِ ورنا آں آرا سلامی پیش کُت، شرپ مندیں مہمان آں شہیدآنی ھدیرہ ئِ سر ئَ پُل آنی چادر چیر گیتک۔ ایشی ئَ چہ پیسر اٹلی ئِ ٹولہ ئَ پاک اُرد ئِ آپریشنل ئُُ ھیل کاری جیڈھ آنی بابت سرجمیں بریفنگ دات۔ مڈاھداریں مہمان آں ناشرکاری ئِ ھلاپ ئَ پاک اُرد ئِ جاڑیگ ایں آپریشن رد الفساد ئُُ کامیاتی آناں تسلیم کنان ئَ ساڑات۔