صدرِ مملکت ممنون حسین ئَ چیئرمین پاکستان ہلال احمر ڈاکٹر سعید الٰہی ئَ را گیش سئے سال چیئرمین بوھگ ئِ موہ دات

اسلام آباد ۔ 26 اپریل (اے پی پی) گوستگیں سئے سال ئَ جوانیں اِزمت آنی پد ئَ مزن وزیر محمد نواز شریف ئِ سپارش ئِ پد ئَ صدر ئِ مملکت ممنون حسین ئَ چیئرمین پاکستان ہلال احمر ڈاکٹر سعید الٰہی ئَ را گیش سئے سال چیئرمین بوھگ ئِ موہ دات۔ وزارت نیشنل ہیلتھ سروسز اینڈ ریگولیشنز ئِ نیمگ ئَ نوٹیفکیشن ھم جاڑی کنگ بوت۔ ہلال احمر پاکستان ئِ نیمگ ئَ جاڑی بوتگیں پریس ریلیز ئِ رد ئَ چیئرمین پاکستان ہلال احمر ڈاکٹر سعید الٰہی ئِ ازمت آناں دیم ئَ ایر کنان ئَ آیوکیں سئے سال ئِ واستہ چیئرمین ہلال احمر دارگ بوتگ۔ صدر ئُُ مزن وزیر ئَ اے گپ ئِ درشان کُت کہ ڈاکٹر سعید الٰہی ئَ سئے سال ئِ لُکوکیں ساھتے ئَ ہلال احمر پاکستان ئَ را دیمروئی داتگ، ھمے رنگ ئَ آیوکیں سئے سال آنی تہ ئَ آئی ئِ اِزمت سرجمیں پاکستان ئَ رون ئُُ سر بنت تانکہ آماچ بوتگیں مردم آنی کمک کنگ بہ بیت۔ ڈاکٹر سعید الٰہی ئَ کلوہ دات کہ پاکستان ہلال احمر ئَ را بنی آدم آنی اولی رچ ئِ اِزمت کنوکیں ادارگ جوڑ بوھگ ئِ دلیکیمی دارشان کنان ئَ گوشت کہ چیئرمین ئِ بستار ئَ صدر ئِ مملکت ممنون حسین ئُُ مزن وزیر محمد نواز شریف ئِ کمک ئُُ واھگ آنی پیلو کنگ ئِ سک باز کوشست کناں۔