اسلام آباد۔ 25اپریل (اے پی پی) بنجائی وزیر ڈٹ بندی ، شونداری و اصلاحات احسن اقبال پارینے کہ پاکستان نا شرح نمو 5 درسد اسکان رسینگانے و دنیا نا بھلا معاشی ادارہ غاک داڑے زرکاری نا بنا ئِ کرینو، ملک اٹی سیاسی سوگوی نا سوب آخبت اٹی بھلو کچ اسے آ زرکاری نا اومیت ئِ ، زرکاری ، پائیدار شونداری و پیداواری لائخی تیٹی جدت اتنگ نا سوب آن ملکی معیشت ئِ سوگوی دوئی مریک ، چینی صنعت آتا گدریفنگ آن داڑے ملازمت آتا بے شمار وارخواہی ودی مریک۔ داخیال آتا درشانی ئِ او سے شنبے نا دے 106می مینجمنٹ کورس انا ساڑی مروک آتیان تران کرسا کرے۔ بنجائی وزیر پارے کہ زرکاری، پائیدار شونداری و پیداواری لائخی تیٹی جدت اتنگ نا سوب آن ملکی معیشت ئِ سوگوی دوئی مریک، چینی صنعت آتا گدریفنگ آن داڑے ملازمت آتا بے شمار وارخواہی ودی مریک و داوخت آ ن فائدہ ہرفسا پاکستان ئِ صنعتی شونداری نا کسر آ شاغوئی ئِ، نن تینا غلطی تیان بایدے ہیل کین، پین وارخواہی زیان کننگ نا گنجائش اف، داڑے سیاسی رسہ کشی و سروک نا کمتی معاشی شونداری نا کسر اٹی اڑاند جوڑ کننگ ئِ۔ اوپارے کہ یورپ و امریکہ گلوبلائزیشن آن واپسی نا کسر ئِ اختیار کننگ ئُ و تینا معیشت ئِ ہندی خطوط آتیا استوار کننگ ئُ اونا برعکس چین متبادل نا وڑاٹ مون آ بسنے و علاقائی رابطہ استوار کرسا پوسکن آ منڈی تے پٹنگ ئِ۔ اوپارے کہ ویژن 2025ءنا رداٹ جغرافیائی حالیت آتیان مستفید مرسا پاکستان ئِ جیو اکنامک خطوط آ استوار کننگ نا کوشست کننگ ئِ۔ چین پاکستان اقتصادی راہداری ون بلٹ ون روڈ و ویژن 2025 ءنا وژن ئِ ۔ اوپارے کہ 2013ءآن مست پاکستان نا شناخت دنیا نا خطرناک انگا ملک انا وڑاٹ کننگسا ہنا ، سی پیک آن پد پاکستان ئِ بلین ڈالر چینی زرکاری کن جنت گوندنگا۔ اینو دیکی میڈیا پاکستان ئِ پوسکن آ مون آ بروک آ معیشت نا وڑاٹ پیش کننگ ئِ ۔
