اسلام آباد۔ 25اپریل (اے پی پی) صدر مملکت ممنون حسین پاکستان و اردن نا نیام اٹ روایتی دوستانہ تعلقداری تے ہڑتوم آ ملک آتا تین پہ تینی فائدہ کن ٹھوس اقتصادی شریداری ٹی بدل کننگ آ زورشاغانے۔ پاکستان و اردن نا نیام اٹ خڑکی برادرانہ تعلقداریک اریر ہرا اسیجائی تاریخ، عقیدہ و دودوربیدہ ٹی گنڈوک ئُ۔ اوداہیت ئِ سے شنبے نا دے داڑے ایوان صدر اٹی اردن نا سینیٹ نا صدر فیصل عاکف الفیاض تون اوار ڈل اتون ہیت وگپ کرسا پارے۔ داوخت آ چیئرمین سینیٹ میاں رضاربانی و اردن نا سفیر نواف خالف ساریر یخ ہم ساڑی ئسر۔ صدر پارے کہ پاکستان اردن تون تینا تعلقداری تے بھاز اہمیت ایتک و علاقائی و جہانی فورم تیا اسہ ایلو تون کمک نا خیرمقدم ئِ کیک۔ صدر اردن نا شاہ عبداللہ کن تینا نیک است خواہی نا درشانی ئِ کرے و اودے پاکستان نا دورہ نا سلہ خلک۔
