جنوبی ایشیائَ ایمنی ئُُ کمک ئَ را ودینگ پاکستان ئِ دلی واھشت اِنت، سارک ئَ را جوانیں دمگی گل ئِ رانگ ئَ چارگ لوٹاں، سارک چارٹر ئِ رھبند آنی ئُُ مول ئُُ مراد آنی گوما دلیکیمی کتگ
اسلام آباد ۔ 25 اپریل (اے پی پی) مزن وزیر محمد نواز شریفئَ گوشت کہ جنوبی ایشیائَ ایمنی ئُُ کمک ئَ را ودینگ پاکستان ئِ دلی واھشت اِنت ایشی ئِ ھاترا سلامتی ئُُ برجائی المی اِنت۔ سئے شمبے ئَ اِدا مزن وزیر گس ئَ مالدیپ ئِ درئی کارانی وزیر ڈاکٹر محمد عاصم ئَ گوں گند ئُُ نند ئِ ساھت ئَ تران کنان اَت مزن وزیر ئَ گوشت کہ پاکستان سارک ئَ را مزنیں ارزشت ئِ دنت ئُُ ایشرا برجائیں دمگی گل ئِ رنگ ئَ چارگ لوٹیت۔ آئی ئَ گوشت کہ پاکستان ئَ سارک ارٹر ئِ رھبند ئُُ مول ئُُ مراد آنی گوما دلیکیمی کتگ۔ مزن وزیر ئَ گوشت کہ پاکستان مالدیپ ئِ گوما یکوئی ئَ را سک باز ارزشت دنت۔آئی ئَ گوشت کہ دوئیں ملک یک رنگیں ستک، وت مہ وتی تپاکی ئُُ شرپ ئُُ اِزت ئِ ریشگ آنی گوما بندوک اَنت۔ آئی ئَ پاکستان ئُُ مالدیپ ئِ نیام ئَ دو نیمگی تجارت ئِ تہ ئَ گیشی ئِ واستہ کار کنگ ئِ سر ئَ زور پر دات۔ مزن وزیر ئَ گوشت کہ اے گپ دلبڈی گپ اِت کہ پاکستان ئُُ مالدیپ ئِ نیام ئَ پارلیمانی کمک ئِ تہ ئَ گیشی بوتگ ئُُ مالدیپ ئِ سینیٹ ئِ چیئرمین ئِ گوستگیں سال ئِ پاکستان ئِ ترئُُ تاب مھکمیں پارلیمانی یکوئی ئِ ثبوت اِنت۔ ڈاکٹر محمد عاصم ئَ دوئیں ملک آنی نیام ئَ دو نیمگی یکوئی ئَ را گیش مھکم کنگ ئِ اُمیت ئَ درشان کُت۔ اے موہ ئِ سر ئَ مزن وزیر ئِ مشیر پہ درئی کار سرتاج عزیز ئُُ ھاسیں کمکار طارق فاطمی ھم ساڑی اَتنت۔
