اسلام آباد ۔ 25اپریل (اے پی پی) ششمیکو مردم و خانہ شماری نا آخریکو مرحلہ سے شنبے نا دے آن بناءکرے۔ دامرحلہ ٹی ہندی ضلع غاتیٹی مردم و خانہ شماری مریک۔ ادارہ شماریات نا رداٹ مچ آ ملک اٹی شش میکو مردم و خانہ شماری نا ارٹ میکو و آخریکو مرحلہ 25اپریل آن بناءکرے ، ارٹ میکومرحلہ ٹی 87 ضلع غاتیٹی مردم شماری مریک ہرافتے ٹی پنجاب و سندھ انا 21 ضلع، خیبر پختونخوا نا 12، بلوچستان نا 17، آزاد کشمیر و گلگت بلتستان نا 5، 5 ضلع ، فاٹا نا 6ایجنسی اوار ئُ۔ ارٹ میکو مرحلہ بروک آ تُو انا 24تاریخ اسکان برجاسلک۔
