اسلام آباد ۔ 25اپریل (اے پی پی) اسلام آبادو راولپنڈی تون اوار پنجاب، خیبر پختونخوا ، فاٹا، کشمیر و گلگت بلتستان اٹی جاگہ جاگہ و ملک انا گڑاس علاقہ غاتیٹی پِر مننگ نا گمان ئِ۔ ملک انا ایلو علاقہ غاتیٹی موسم باسن و پِرکپک۔ قومی محکمہ موسمیات نا رداٹ گدرینگوک آ 24گھنٹہ ٹی اسلام آباد تون اوار بڑزکو پنجاب، کشمیر و گلگت بلتستان نا ایب و کیب علاقہ غاتیٹی جاگہ جاگہ ہلکاپِر آن پد موسم خوشگوار مس۔ غٹ آن زیات پِر مری ٹی 37 ملی میٹر ریکارڈ کننگا وخت اس کہ غٹ آن زیات درجہ حرارت لسبیلا ٹی 45ڈگری سینٹی گریڈ ریکارڈ کننگا محکمہ موسمیات نا رداٹ بروک آ 24گھنٹہ ٹی اسلام آباد و راولپنڈی تون اوار پنجاب ، خیبر پختونخوا ، فاٹا ، کشمیر و گلگت بلتستان اٹی جاگہ جاگہ ، وخت اس کہ کوئٹہ، ژوب، سبی ، نصیر آباد ڈویژن اٹی گڑاس ہند آتیا ترند تہو، ہور ہ و گروک تون پِر و گڑاس ہند آتیا ترونگڑ وخت اس کہ ملک انا ایلو علاقہ غاتیٹی موسم باسن و پِر کپننگ نا گمان ئِ۔
