اسلام آباد۔ 25اپریل (ا ے پی پی) وزیراعظم محمد نواز شریف کرم ایجنسی ٹی مسافر وین آ جلہو نا ترندی اٹ مذمت ئِ کرینے۔ سے شنبے نا دے تینا اسہ بیان اسے ٹی وزیراعظم دا واقعہ ٹی نہادی انسانی جان تا زیان آ ڈکھ انا درشانی ئِ کرے و تپاخت کروک آ بندغ آتے کن بخشش نا دعا کرے ۔ اوتعلقدار ادارہ غاتے پارت کرے کہ ٹھپی بندغ آتا درمان کن غٹ تر وسیلہ غاتیان فائدہ ہرفنگے۔ وزیراعظم جلہو اٹی تپاخت و ٹھپی مروک آ بندغ آتا خاہوت آتون ہم ہمدردی نا درشانی ئِ کرے۔
