روچگی ئِ ماہ ئِ ساھت ئَ کم چہ کم لوڈشیڈنگ ئُُ ٹریف ئِ جیڈھ آناں گیوار کنگ ئِ ھاترا زوت ئَ گامگیج کنگ بہ بیت، ھاٹیگ ئِ منصوبگ آناں بنداتی رنگ ئَ زوتاں زوت گیوار کنگ بہ بنت، ایچ وی ڈی سی ٹرانسمیشن لائنز ئُُ ایندگہ ٹرانسمیشن لائن منصوبگ آنی سر ئَ کار ئِ ترندی ئِ تہ ئَ گیشی آرگ بہ بیت
اسلام آباد ۔ 24 اپریل (اے پی پی) مزن وزیر محمد نوازشریف ئَ وزارت ئِ آپ ئُُ توان ئَ را ہدایت کُت کہ ماہ ئِ رمضان ئِ ساھت ئَ کم چہ کم لوڈشیڈنگ ئُُ ٹیرف ئِ جیڈھ آنی گیواری ئِ ھاترا گامگیج کنگ بہ بیت۔ دو شمبے ئِ روچ ئَ ھاٹیگ ئِ بابت ئَ کابینہ کمیٹی ئِ سیمی دیوان ئِ سروکی ئَ کنان ئَ آئی ئَ وزارت ئِ آپ ئُُ توان ئَ را ہدایرت کُت کہ بازیں پڑآں ھوار ایل این جی سولر، کول ، فرنس آئل، ڈیزل ئُُ گیس ئِ واستہ نیشنل الیکٹرک پاور ریگولیٹری اتھارٹی ئَ را درپیشیں ٹیرف ئِ جیڈھ آنی زوت گیواری کنگ بہ بیت۔ مزن وزیر ئَ ہدایت کُٹ کہ ھاٹیگ ئِ منصوبگ آناںبنداتی رنگ ئَ انتظامی ئُُ کانودی جیڈھ آناں زوت گیوار کنگ بہ بنت۔ این ٹی ڈی سی ئَ را ہدایت کنگ بوتگ کہ ایچ وی ڈی سی ٹرانسمیشن لائنز ئُُ ایندگہ ٹرانسمیشن لائن ئِ منصوبگ آنی سر ئَ کار ئِ ترندی ئِ تہ گیشی آرگ بہ بیت۔ مزن وزیر ئَ ھاٹیگئِ بازیں ھال در آنی اِزمکاری ئِ بابت ئَ پٹ ئُُ پولی وانشت ئِ پنت ئُُ شون داتگ ئُُ گوشتگ کہ ایشرا آیوکیں دیوان ئَ پیش کنگ بہ بیت۔ آئی ئَ گوشت کہ حکومت توان پیداک کنگ ئِ بازیں آپشن آنی سر ئَ کار کنگ ئَ اِنت تانکہ مردم آناں توان یک رچ ئَ دیگ بہ بیت۔ اے مول ئُُ مراد آنی ھاترا حکومت ئَ بیست لوڈ تھرمل پاور پراجیکٹس ئِ دلگوشی داتگ ایشی ئَ چہ سرجمیں سال ئَ تانکہ 2018ئُُ ایشی ئَ چہ پد ہائیڈروپاور جنریشن ئِ واستہ توان ئِ کساس ئِ پجاری ئَ دل یکیمی کنگ بہ بیت۔ دیوان ئَ وزیر ئِ پٹرولیم ئُُ قدرتی مڈی شاہد خاقان عباسی، وزیر ئِ منصوبگ بندی احسن اقبال، وزیر ئِ آپ ئُُ توان خواجہ محمد آصف، سر وزیر پنجاپ محمد شہباز شریف، وزیر ئِ اھوالکاری ئُُ شنگ کاری ئُُ راجی مڈی مریم اورنگزیب، مزن وزیر ئِ ھاسیں کمکار طارق فاطمی ئُُ سینئریں کارندہ آں بھر زُرت۔ سیکرٹری آپ ئُُ توان ئَ دیوان ئَ را استیں لوڈ مینجمنٹ پلان، ھاٹیگ ئِ گیشینتگیں ئُُ جاڑی منصوبگ ئُُ ٹرانسمیشن سسٹم ئَ گیشی ئِ بابت ئَ سرپدی دات۔ آئی ئَ گوشت کہ استیں حکومت ئِ ساھت ئَ ٹرانسمیشن سسٹم ئَ 132 KVئِ 9625میگاواٹ، 11 KV ئِ 2004میگاواٹ ئُُ کیپسٹی ئَ گیشی بیت۔آئی ئَ ایشرا یک بے دروریں گامگیج ئِ گوندینت ئُُ گوشت کہ نوکیں پاور جنریشن ئِ چم ئِ چیر ئَ کنانگوشت کہ ایش المی اِنت کہ ایش راجی گرڈ ئَ ھوار بیت ئُُ آیوکیں 9ماہ ئَ ڈی آئی ایس سی اوز ئِ واستہ گیشینگ بیت۔ واپڈا ئِ چیئرمین ئَ دیوان ئَ را ہائیڈل پاور پراجیکٹس ئَ ھوار داسو، دیامربھا شا ئُُ مہمند ڈیم ئِ بابت ئَ سرپدی کُت۔
