اسلام آباد۔ 24 اپریل (اے پی پی) مزن وزیر ئِ مشیر برائے درئی کار سرتاج عزیز ئَ گوشت کہ پاکستان ئُُ مالدیپ ئِ نیام ئَ سیل ئُُ سواد،وانگ ئُُ زانگ ئُُ دود ئُُ ربیدگ، ئُُ لیب ئُُ گوازی ئِ شوبگ آنی تہ ئَ کمک ئِ مزیں امیت اَست اِنت، پاکستان مالدیپ ئِ نودربر آناں دیمروئی ئِ موہ آنی سر ئُُ سوج ئَ جاڑی داریت۔ دو شمبے ئَ اِدا مالیدیپ ئِ دئی کارانی وزیر ڈاکٹر محمد عاصم ئِ گوما گند ئُُ نند ئِ ساھت ئَ گپ ئُُ تران کنان ئَ گوشت اَنت آئی ئَ گوشت کہ دوئیں ملک آنی نیام ئَ ھاسیں رنگ ئَ وانگ ئُُ زانگ ئُُ دود ئُُ ربیدگ ئِ شوبگ آنی تہ ئَ دو نیمگی کمک ئَ را گیش مھکم کنگ وٹیت۔ مالدیپ ئِ درئی کارانی وزیر کہ آ پاکستان ئِ چار روچی سرکاری تر ئُُ تاب ئِ ھاترا اِدا اِنت۔ مزن وزیر ئِ مشیر ئَ گوشت کہ دوئیں ملک آنی نیام ئَ وشیں یکوئی اَست اِنت ایشی وت مہ وتی شرپ ئُُ یکجائی نپ ئُُّ سیت آنی سر ئَ اَنت۔ دوئیں ملک آنی دو نیمگی سیادی ئِ سر ئَ دل یکیمی ئِ درشان کنان ئَ ھاسیں تک ئِ روگ ئُُ آیگ ئِ وسیلگ ئَ بازیں شوبگ آنی تہ ئَ کمک ئِ تہ ئَ گیشی ئِ سر ئ۔ تپاک کُت۔ گند ئُُ نند ئِ تہ ئَ دمگی جاور ھال ئُُ سارک ئِ جیڈھ آنی سر ئَ باست ئُُ واست کنگ بوت۔ مالدیپ ئِ وزیر ئِ درئی کار ئَ بازیں موہ آنی سر ئَ وتی ملک ئُُ اُلس ئِ کمک ئِ سر ئَ پاکستان ئِ حکومت ئِ توسیپ کُت۔
