پانامہ کیس آ سپریم کورٹ نا فیصلہ خاص وڑاٹ جے آئی ٹی نا بابت اٹ شرہ مس
جے آئی ٹی ٹی پاک فوج انا باسک آک کانودی و شفاف وڑاٹ تینا کڑد ئِ ادا کیرہ، پاک فوج سپریم کورٹ نا پت آ پورو سلک، آئی ایس پی آر
راولپنڈی۔ 24اپریل (اے پی پی) پاک فوج انا سروک جنرل قمر جاوید باجوہ نا کماشی ٹی کورکمانڈر کانفرنس اٹی دا عزم انا درشانی ئِ کننگانے کہ ادارہ جے آئی ٹی ٹی تینا باسک آتا کمک اٹ کانودی و شفاف وڑاٹ تینا کڑد ئِ ادا کیک و سپریم کورٹ نا پت آ پورو سلک۔ پاک فوج انا شعبہ تعلقات عامہ (آئی ایس پی آر ) نا ڈائریکٹر جنرل، میجر جنرل آصف غفور نا کنڈآن جاری بیان نا رداٹ دوشنبے نادے 202 می کورکمانڈر کانفرنس آرمی چیف جنرل قمر جاوید باجوہ نا کماشی ٹی جی ایچ کیو راولپنڈی ٹی اڈ ہلک۔ کورکمانڈر کانفرنس اٹی ملک اٹی جاری آپریشن ردالفساد نا جاچ ئِ ہلنگا۔ کور کمانڈر کانفرنس اٹی پانامہ کیس آ سپریم کورٹ نا فیصلہ خاص وڑاٹ جے آئی ٹی نا بابت آن ہم شرہ مس۔ کورکمانڈر کانفرنس دا عزم انا درشانی ئِ کرے کہ جے آئی ٹی ٹی پاک فوج انا باسک آک کانودی و شفاف وڑاٹ تینا کڑد ئِ ادا کیرہ و پاک فوج سپریم کورٹ انا پت آ پورو سلک۔
