اسلام آباد۔ 23اپریل (اے پی پی) وزارت موسمیاتی بدلی 3.652ارب روپئی نا خڑچ آن ملک انا ہر چار آ صوبہ غاتون اوار آزاد کشمیر ، گلگت بلتستان و فاٹا ٹی سد ملین آن زیات درخت خلنگ نا ڈٹ انا بنائِ کرینے ہرا 2021ءاسکان پورو کننگک۔ پاکستان اٹی جنگل آتا وسیلہ غاتا بحالی کن دا ڈٹ گرین پاکستان پروگرام نا رداٹ وزیراعظم محمدنواز شریف نا پارت آ بناءکننگانے۔ وزارت نا کمامدارآتارداٹ ساڑی حکومت غٹ صوبائی حکومت آتا تین پہ تینی اواری آن ملک اٹی جنگل آتا بشخ انا شونداری کن جامع گام گیج کننگ ئِ۔ اوپارے کہ وزیراعظم نا پارت آ نیشنل فاریسٹ پالیسی اس جوڑ کننگانے ہراٹی غٹ صوبائی حکومت آتون اوار ایلو شریدار آتون سرجم صلابت کننگانے۔ اوپارے کہ ڈٹ انا پوروی آن ملک اٹی جنگل آتا زیر کاشت رقبہ نا مون آ دننگ و چاگڑدی آلودگی ناچٹفنگ و جنگلی حیات نا رکھ اٹی کمک رسینگک۔
