شونہالی کن قدرتی سرمایہ نا رکھ ننا زمواری ئِ ، گرین پاکستان پروگرام نا رداٹ پاکستان اٹی یوم ارض اڈتننگ نا بنداوی ہدف آتے ترندی اٹ دوئی کننگ اٹی آسانی مریک
اسلام آباد۔ 22اپریل (اے پی پی) وزیراعظم محمد نواز شریف صوبائی و علاقائی حکومت آتا کمک آن چاگڑد و قدرتی وسیلہ غاتا رکھ اکن حکومت نا عزم انا اعادہ ئِ کرینے۔ ہفتہ نا دے جہانی یوم ارض انا وخت آ تینا کلہو اٹی اوزورشاغاکہ شونہالی کن قدرتی سرمایہ نا رکھ ننا زمواری ئِ۔ اوپارے کہ شاری تا کنڈآن اخس کہ کڑد ادا کننگے اوفتا زوت زئم آک نمودار مریرہ۔ اوصوبائی و ہندی حکومت آتا کمک آن چاگڑد و قدرتی وسیلہ غاتا رکھ اکن حکومت نا عزم انا اعادہ ئِ کرے و خاص کر ہریالی ٹی ودکی نا اہمیت و حیاتیاتی نظام اٹی تنوع نا رکھ آ زورشاغا ۔ اواومیت ظاہر کرے کہ حکومت و سول سوسائٹی نا نیام اٹ کمکاری آن گرین پاکستان پروگرام نا رداٹ پاکستان اٹی یوم ارض اڈتننگ نا بنداوی ہدف آتے ترندی اٹ دوئی کننگ اٹی آسانی مریک۔

متعلقہ مضامینمصنف کی طرف سے مزید