لاہور۔ 22اپریل (اے پی پی) بنجائی وزیر ڈٹ بندی ،شونداری و اصلاحات پروفیسر احسن اقبال پارینے کہ مثبت سوچ ئِ تینا کننگ آن زند اٹی سرسہبی ملک، منفی سوچ تخوک آ بندغ آتے بے سہبی تون مون تروکی تمک، بے سہب خلقت تینا بے سہبی تا دوبہ ئِ ایلوتیا تخرہ وخت اس کہ سرسہب خلقت مقابلہ کیک و حالیت آتا مون آ سلہہ بٹپک، اینو نا چناک پگہ نا معمارآک ئُ، استادآک ہندن ئُ ذہن تیار کیر ہرابروک آ دے اٹی ملک وقوم انا شونداری ٹی تینا کڑد ئِ ادا کننگ کیر، دا جدید علم انا دور اٹی ہمو سرسہب مریک ہرا تینا گچین علمی لائخی تے کاریم اٹ اتیک، اسکول اٹی ٹیچرز ٹریننگ پروگرام تون اوار اوار پوسکن انگا کمپیوٹر لیب اتون اوار ایلو آسراتی تے ہم فراوان کینہ۔
