فیصل آباد۔ 22 اپریل (اے پی پی) وزیر مملکت دیر و بجلی چوہدری عابد شیر علی پارینے کہ سپریم کورٹ نا جے آئی ٹی جوڑ کننگ نا فیصلہ ئِ جسم و جان اٹ امنا کینہ ، ہنداخاطران جے آئی ٹی ہراتم بٹنگے و ہرا سوج آتے ہریفے نن مست آنبار داسہ ہم ہر سوج انا نئے بیرہ ورندی ئِ ایتنہ بلکن اگہ ننا قائد و اونا چناتے ہم بٹنگ انگے تو او استثنیٰ نا پد اٹ ڈکھنگ آن بیدس است انا ھب اٹ پیش مریرہ و اوفتے است جم کننگ نا کوشست کننگک وخت اس کہ ننے آ نئے مہالو دوبہ اس ثابت مسنے و نئے ہی پین وخت اس مننگ کیک ہنداخاطران بیرہ دوبہ غاتا بنداو آ ہچ گہس ئِ ڈوہ گوندنگ مفک، مسلم لیگ ئِ ٹف ٹائم تننگ و لانڈھی جیل انا ہیت آتے بنفوک آ آصف زرداری اول تینے احتساب کن پیش کرسا پائے کہ او ارب آ کھرب آتا میرات آتا مالک امر جوڑ مس۔
