اسلام آباد۔ 22اپریل (اے پی پی) خاتون اول محمودہ ممنون حسین سرکاری و غیر سرکاری تنظیم آتیا زور شاغانے کہ او زمی جمب کون آ قدرتی سانحہ غاتیان معذور مروک آ خلقت نا مشکل آتے مر کننگ و اوفتے کن روزگار نا وارخواہی پٹنگ اٹی کمک کیر۔ ہفتہ نا دے داڑے پاکستان انسٹی ٹیوٹ آف میڈیکل سائنسز اینڈ نیشنل انسٹی ٹیوٹ آف ری ہیبیلیٹیٹیو (این آئی آر ایم) نا کنڈآن زمی جمب سانحہ 2005ءنا ٹھپی تا درمان کن اڈ تروک مفت طبی کیمپ انا دود آن تران کرسا اوکیمپ انا اڈتننگ نا ستائِ کرسا پارے کہ دُن انگا گام گیج آتیان مک انا بھاز انگا مسڑ و ماک مفید شاری جوڑ مننگ کیرہ۔ اوپارے کہ 2005ءنا زمی جمب آن جانی ومالی نسخان اس مس ، ہزارآ بندغ آک بھاز انگا ناجوڑی تیٹی مبتلا مسر ہرافتا درمان کن سال آک لگنگ کیرہ۔ اوپارے کہ سپائنل سرجری ٹی ماسٹرز و پی ایچ ڈی نامیڈیکل تعلیم کن صدر مملکت ممنون حسین یونیورسٹی تون کمک کیر۔ داکان پد وائس چانسلر خاتون اول ئِ اسہ یات گاری نشان اس پیش کرے، خاتون اول ہم اودے اسہ شیلڈ اس تس۔
