اسلام آباد۔ 22اپریل (اے پی پی) اینخو مالی سال 2016-17 ءٹی بنجائی حکومت نا شونداری پروگرام (پی ایس ڈی پی) نا رداٹ صنعت و پیداوار ڈویژن کن 478.79 ملین روپئی نا شونداری فنڈ جاری کننگانے وخت اس کہ مالی سال اکن جم وڑاٹ 1.029 ارب روپئی نا بجٹ جتا کننگاسس۔ ڈٹ بندی کمیشن نا رپورٹ نا رداٹ اینخو مالی سال اٹی داوخت اسکان پاکستان اٹی جیمز اینڈ جیولری ڈویلپمنٹ نا چندی شونداری ڈٹ آتے کن 135.7ملین روپئی نا فنڈ جاری کننگانے۔ یات سلے کہ اینخو مالی سال اکن حکومت پی ایس ڈی پی نا رداٹ 800 ارب روپئی نا بجٹ جتا کریسس وخت اس کہ چندی وزارت و ڈویژن آتا مست آن جاری و پوسکن آ شونداری ڈٹ آتے کن 549.979 ارب روپئی نا شونداری فنڈ جاری کننگانے۔
