راولپنڈی21اپریل(اے پی پی) منیجنگ ڈائریکٹر ایسوسی ایٹڈ پریس آف پاکستان مسعود ملک ئَ گوشت کہ ورناملک ئِ مڈی اَنت ئُُ ایشاناں آیوکیں وھد ئِ چیلنج آنی گوما دیم پہ دیمی کنگ ئِ ھاترا تیار بوھگی اِنت۔ آ آدینگ ئِ روچ ئَ سر وزیر پنجاپ گشتانک، باست ئُُ واست، بُن گپ وش گُٹی ئِ رد ئَ اصغر مال کالج ئِ چیر دستی ئَ دادی مراگش ئَ داد آنی بھر ئُُ بانگ ئَ ھاسیں مہمان ئِ بستار ئَ کنان اَت۔ اے موہ ئِ سر ئَ ندکار ئُُ کلانئیں اھوالکار جواد مرزا، پرنسپل خوشی محمد ناصر،وائس پرنسپل الطاف حسین، الیاس قریشی، چئیرمین ادبی کمیٹی روش ندیم، پروفیسر عرفان یاور ئُُ پروفیسر باقر وسیم ھم ساڑی اَتنت۔مراگش ئَ گشتانک دیان ئَ منیجنگ ڈائریکٹر اے پی پی مسعود ملک ئَ گوشت کہ ورنا آنی کامیاتی ئُُ زانشتی واھگ ئَ را گندگ ئَ روحانی وشی بیت۔ آئی ئَ گوشت کہ ورنا ملک ئِ مڈی اَنت ئُُ نودربر آناں سیاسی چست ئُُ ایراں چہ دستی کشی ئُُ وانگ ئُُ زانگ ئِ نیمگئَ ئَ ھاسیں دلگوشی بدینت ایشی ئَ چہ وانگ ئُُ زانگ دیمروئی کنت وھدیکہ اصغر مال کالج یک انچیں ادارگ اِت کہ ایشی ئَ جوانیں وانگ ئُُ زانگی کچ ئُُ کیلئِ ریکاٹ برجا کتگ۔ مسعود ملک ئَ گوشت کہ نودر وتی مات ئُُ پت ئَ ھوار وتی رھشون آنی شرپ ئُُ اِزت ئِ گوما ترندی ئَ بہ وان اَنتئُُ وتی واھشت آنی پد ئُُ رند ئَ بہ بنت۔ آئی ئَ نودربر آناں گوشت کہ آ وتارا آیوکیں چیلنج آنی واستہ تیار بکن اَنت۔
