اسلام آباد۔ 21 اپریل (اے پی پی) سینیٹ ئِ پاننگانے کہ چین پاکستان اقتصادی راہداری ڈٹ آتا سیکورٹی کن خصوصی سیکورٹی ڈویژن اس جوڑ کننگانے۔ جمعہ نا دے ایوان بالا ٹی وقفہ سوج آتیٹی سینیٹر تنویر خان و جہانزیب جمالدینی نا سوج انا ورندی ٹی بنجائی وزیر ڈٹ بندی و شونداری احسن اقبال پارے کہ سیکورٹی ڈویژن اٹی 9 ہزار 229 کارندہ غاتیا تالان آرمی کمپوزٹ بٹالینز و 4ہزار 502 کارندہ غاتیا تالان 6 سول آرمڈ فورس ونگز اوار ئُ۔ اوپارے کہ پاکستان اٹی کاریم کروک آ چینی باتی تا رکھ انا زمواری وزارت داخلہ نا دنگ اٹی بریک۔ اوپارے کہ سیکورٹی فورس اٹی ہچ ئُ درملکی اس اوار اف۔ اوپارے کہ چین پاکستان اقتصادی راہداری اسہ بے کچ ئُ اہم ئُ ڈٹ اسے ہرانا برخلاف دشمن ہم سرگرم ئِ ولے دا ننا قومی عزم ئِ کہ دادے ہر دروشم اٹ پورو کننگک و صوبائی حکومت آک ہم داچرجوئی ٹی ننے پورو کمک فراوان کننگ ئُ۔
