اسلام آباد۔ 21اپریل (اے پی پی) مسلم لیگ (ن) نا سینیٹر لیفٹیننٹ جنرل (ر) عبدالقیوم پارینے کہ پاکستان اٹی عدالت آک آجو ئُ ۔ ریڈیو پاکستان تون ہیت وگپ کرسا اوپارے کہ مچ آ قوم یخینی وڑاٹ پاناما پیپرز آ عدالت نافیصلہ ئِ امنا کیرہ۔ اوپارے کہ وزیراعظم محمدنواز شریف ناسروکی ٹی ملک شونداری کننگ ئِ و پوسکن آ صنعت آتا اڈ تننگ تون اوار اوار پیشن نا زرکاری ہم پاکستان آ بننگ ئِ۔ مسلم لیگ (ن) نا سینیٹر نا پاننگ ئس کہ میڈیا پاناما پیپرز کیس انا بابت السی جوزہ غاتے تالان کننگ نا کوشست کننگ ئِ۔ اوپارے کہ بحیثیت قوم نن بایدے ملک انا گچینی کن اواری اٹ کاریم کین۔
