عدالتی فیصلہ غاتے امنا کپننگ پیپلزپارٹی نا وطیرہ ئِ
اسلام آباد۔ 21 اپریل (اے پی پی) وزیر مملکت دیر و بجلی عابد شیرعلی پارینے کہ عدالتی فیصلہ غاتے امنا کپننگ پیپلزپارٹی نا وطیرہ ئِ۔ جوائنٹ انویسٹی گیشن ٹیم ئِ منپننگ نا پیپلزپارٹی نا پڑو پوسکنئُ ہیت اس اف۔ انکوائری کمیٹی آصف علی زرداری ، ایان و شرجیل میمن نا بارواٹی جوڑ کننگے۔ اوجمعہ نا دے پارلیمنٹ ہاﺅس ناپیشن میڈیا تون ہیت وگپ کرسا پارے کہ عدالت اسہ وار ولدا نواز شریف ئِ بری الزمہ گوندانے۔پاناما پیپر نا ہیت ئِ کروک آک محض توڑ پھوڑ، دھرنہ و برانز نا سیاست ئِ مون آ درسا تینا است ئِ پدین کننگ خوائرہ۔ اسہ سوج اسے نا ورندی ٹی اوپارے کہ پیپلزپارٹی نا تاریخ گواہ ئِ کہ او وخت اس ہم عدالتی فیصلہ غاتے امنا کتنے و داسہ جے آئی ٹی نا مخالفت ئِ کرسا تینا روایت ئِ برقرار تخانے۔
