اسلام آباد۔ 21اپریل (اے پی پی) وزیراعظم محمدنواز شریف پارینے کہ کنا حکومت عازمین حج ئِ گچین آسراتی فراوان کننگ آ چکار تخنگ ئِ ، گدرینگوک آ سال حج بست و بند آک است جم ئسر ۔ جمعہ نا دے داڑے سعودی عرب کن پندار سفیر وائس ایڈمرل (ر) خان ہشام تون ہیت و گپ کرسا وزیراعظم حج اٹی پاکستانی حاجی تے زیات آن زیات آسراتی فراوان کننگ آ زور شاغسا اودے پارت کرے کہ او پین وخت اس حج اکن بست و بند آتا جندی چاروکی ئِ کے۔ وزیراعظم پارے کہ پاکستان و سعودی عرب نا نیام اٹ خوشگوار و برادرانہ تعلقداریک ئُ ہڑتوم آ ملک آک علاقائی و جہانی کہول آ تین پہ تینی فائدہ نا غٹ معاملہ غاتیا اسہ وڑنا موقف تخرہ۔
