اسلام آباد۔ 20 اپریل (اے پی پی) صدر مملکت ممنون حسین ئَ بازیں گہبودی، اقتصادی ئُُ دود ئُُ ربیدگی پشت در ئَ زالبول آناں زور پر دات کہ آ ھمک رنگ ئِ بیم ، ترس ئُُ لرزگی ئَ را ایراد گران ئَ ملک ئِ دیمروئی ئُُ وشھالیئِ واستہ وتی واھشت ئُُ واھگ آناں کامرد بکن اَنت۔ آئی ئَ اے گپ بینظیر انکم سپورٹ (بی آئی ایس پی) ئِ جوڑ کتگیں کتاب ”بی آئی ایس پی ئِ کسہ” ئِ دیمدرائی مراگش ئَ گشتانک دیان ئَ کُت اَنت۔ اے کتاب سرجمیں ملک ئَ چہ 146زالبول آنی جوڑ کتگیں کسہ آنی سر ئَ اِنت ایش بی آئی ایس پی ئِ نیمگ ئَ چہ رستگیں وظیفہ ئِ سبب ئَ سکیں بزگر ئُُ گریبیں زالبول آنی زندمان ئِ تک آں پیش دار ایت۔ اے کتاب پاکستان ئَ چاگردی رکھینگ ئِ دُرستاں چہ مستریں آشوب ئِ آدینک اِنت۔ ایشی ئِ سبب ئَ زالبول آناں شرپ ئُُ معاشی پاسبانی رستگ۔ اے کسہ 18دمگی زبان آنی تہ ئَ نبشتگ بوتگ اَنت ئُُ ایش ھندی ئُُ میاں اوستمانی وانوک ئُُ میاں اوستمانی وانوک آنی ھاترا اُردو ئُُ انگریزی ئَ رجانک کنگ بوتگ اَنت۔ مراگش ئَ بی آئی ایس پی ئِ چیئرپرسن ماروی میمن، وزیر ئِ مملکت نیک راھی کار پیر امین الحسنات، باسک پارلیمان، سیکرٹری بی آئی ایس پی ئُُ دیمروئی پارٹنرز آں ھوار سول سوسائٹی ئِ نمائندگ آں ھم بھر زوری کُت۔
