دزبندی کنوک توامیں الزام آنی سہرا کنگ ئَ ناکام بوت اَنت، آمید گس ئِ نیمگ ئَ چہ گیش چھان بین ئِ واستہ یکجائی پٹ ئُُ پولی ٹیمب جوڑ کنگ ئِ پیسلہ پٹیشنرز ئِ شکست ئِ آدینک اِنت، مریم نواز شریف ئِ ٹویٹ کلوہ
اسلام آباد۔ 20 اپریل (اے پی پی) مزن وزیر محمد نواز شریف ئِ جنکیں زھگ بانُک مریم نواز شریف ئَ پانامہ پیپر کیس ئَ سپریم کورٹ ئِ پیسلہ ئَ را ساڑات ئُُ گوشت کہ دزبندی کنوک توامیں الزا، آنی سہرا کنگ ئَ ناکام بوتگ اَنت۔ پنچ شمبے ئَ سپریم کورٹ ئِ پنچ کسی بنچ ئِ نیمگ ئَ چہ محفوظ کتگیں پیسلہ ئِ جار ئَ پد وتی ٹویٹ ئَ مریم نواز شریف ئَ گوشت کہ آمید گس ئِ نیمگ ئَ گیش چھان بین ئِ واستہ یکجائی پٹ ئُُ پولی ٹیمب جوڑ کنگ ئِ پیسلہ پٹیشنرز آنی شکست ئِ آدینک اِنت۔ آئی ئَ اللہ تعالیٰ ئِ شگر ادا کنان ئَ آمید گس ئِ پیسلہ ئِ سر ئَ مزن وزیر ئُُ مسلم لیگ (ن) ئَ را مبارکی دات۔ آئی ئَ وتی ٹویٹ ئَ ”مبارک: مزن وزیر نواز شریف۔۔۔۔ الحمدوللہ رب العالمین“ ئئَ ھوار ”توسیپ ئُُ شپ ایوک ئَ اللہ ئِ ھاترا؛ شگر ئُُ مبارکی“ ئِ گال نبشتہ کُت۔
