اسلام آباد۔ 20 اپریل (اے پی پی) بنجائی وزیر شونداری و ڈٹ بندی احسن اقبال پارینے کہ اینو ننے تاریخی سرسہبی دوئی مسنے۔ پاکستان تحریک انصاف ئِ کشمیر، گلگت بلتستان، بلدیاتی گچین کاری، کنٹونمنٹ بورڈ و ضمنی گچین کاری تیٹی شکست مس و عدالت نا کمک اٹ شب خون خلوک آتے بوز اٹ کنوئی تما۔ پنچ شنبے نادے داڑے پاناما کیس انا فیصلہ غان پد میڈیا تون ہیت وگپ کرسا اوپارے کہ عدالت اکثریتی فیصلہ تون جمہوریت نا مینڈیٹ ئِ امنا کرے۔ اوپارے کہ اینو پاکستان ناالس و کانود نا فتح مسنے۔ دُز درگہ غان اقتدار اٹی بننگ نا خواہش تخوک آتے شکست مسنے۔ اوپارے کہ پی ٹی وی ملک انا شونداری آن خائف ئِ۔ عدالت آک اخباری تراشہ غاتیا فیصلہ کپسہ۔
