”ہن عمران خان تینا است خواہی تیا خڑینک خل خاچ، عمران خان نی تینا پوسکنئُ شیروانی اس جوڑ کرف خاچ“
اسلام آباد۔ 20 اپریل (اے پی پی) وزیر مملکت دیر و بجلی عابد شیر علی پارینے کہ سپریم کورٹ اٹی اخباری تراشہ پیش کروک آ و قوم اتون دروغ تڑوک آتے اینو بوز اٹ کنوئی تمانے، اوفتا دروغ دفن مسنے۔ پنچ شنبے نا دے داڑے سپریم کورٹ نا پیشن میڈیا نا نمائندہ غاتون ہیت وگپ کرسا اوپارے کہ قوم اتون دروغ تڑوک آتا دروغ دفن مسنے ، قوم انا مون آ اوفتا دروغ انا چہرہ ئِ بے نقاب کننگک۔ اوپارے کہ وزیراعظم محمد نواز شریف حق و سچ آ ئس، جیت ہم حق و سچ انامسنے و وزیراعظم محمدنواز شریف و اونا خاہوت سرسہب مسنے۔ وزیر مملکت نا پاننگ ئس کہ وزیراعظم محمد نواز شریف نا دیانت داری نا شاہدی ئِ الس چکوال اٹی مروک آ ضمنی گچین کاری تیٹی پاکستان مسلم لیگ (ن) نا حق اٹی وونٹ ترسا تسنے۔ اوپارے کہ ”ہن عمران خان تینا است خواہی تیا خڑینک خلسا خاچ، عمران خان نی تینا پوسکن ئُ شیروانی اس جوڑ کرف خاچ“ انتئے کہ پاکستانی قوم وزیراعظم محمد نواز شریف تون مابت کروک آ قوم ئِ ہرا 2018 ءنا گچین کاری تیٹی ہم اوفتے ہم سرسہب کیک و او ولدا آن السی خذمت نا سفرئِ برجاتخک۔
