اینو پاکستان مسلم لیگ (ن) یا وزیراعظم محمد نواز شریف ئِ آخا بلکن مچ آ قوم ئِ فتح دوئی مسنے ، عمران خان ، شیخ رشید، سراج الحق و ایلو فتے شکست مسنے، وزیراعظم نا سلاہکار انجینئر امیر مقام نا میڈیا تون ہیت وگپ
اسلام آباد۔ 20اپریل (اے پی پی) وزیراعظم نا سلاہکار انجینئر امیر مقام پارینے کہ اینو دا فتح پاکستان مسلم لیگ (ن ) یا وزیراعظم محمد نواز شریف ئِ آخا بلکن مچ آ پاکستانی قوم انا فتح ئِ و دا فتح پاکستان نا شونداری و شونہالی ناہم فتح ئِ انتئے کہ وزیراعظم محمد نواز شریف مچ آ ملک انا شونداری و شونہالی کن کوشست کننگ ئِ و ہمودے مر اف ہراتم ملک آن تہاری تا چٹنگ المی جوڑ کننگک۔ داخیال آتا درشانی ئِ او پنچ شنبے نا دے داڑے سپریم کورٹ ناپیشن میڈیا نا نمائندہ غاتون ہیت وگپ کرسا کرے۔ اوپارے کہ گڑاس خلقت نا خیال ئس کہ وزیراعظم محمد نواز شریف اینو وزیراعظم سلپک ولے اوفتا تغک ٹکر ٹکر مسر انتئے کہ وزیراعظم محمد نواز شریف نا دامن تو صفا ئِ و ایہن ہم 20کروڑ الس نا پت و اوفتا دعاک وزیراعظم محمد نواز شریف تون ئُ انتئے کہ وزیراعظم السی خذمت آ یخین تخک ہرانا سوب آن الس ہم اوڑتون مابت کیک و اوڑآ تینا پبی پت انا درشانی ئِ ہم کیک۔ سلاہکار وزیراعظم ناپاننگ ئس کہ عمران خان، شیخ رشید، سراج الحق و ایلو فتے ہم اینو شکست مسنے و اوفتے بوز اٹ کنوئی تمانے، نن انشاءاللہ خیبر پختونخوا ٹی ہم حکومت جوڑ کینہ و وزیراعظم محمد نواز شریف ئِ پین سوگو جوڑ کینہ۔
