محمد نواز شریف 2018ءنا گچین کاری تسکان وزیراعظم سلک، عدالت نا فیصلہ ہمو خلقت نا است خواہی تا نفی ئِ کرے ہراک خوائسرہ کہ وزیراعظم ئِ عہدہ غان اسہ پلو کننگے
اسلام آباد۔ 20اپریل (اے پی پی) بنجائی وزیر خواجہ محمد آصف پارینے کہ اللہ تعالیٰ نا فضل اٹ وزیراعظم محمد نواز شریف 2018 ءنا گچین کاری تسکان وزیراعظم پاکستان سلک۔ پاناما کیس انا فیصلہ غان پد سپریم کورٹ نا پیشن میڈیا تون ہیت وگپ کرسا اوپارے کہ عدالت عظمیٰ نا کنڈآن مسہ و اِراجج انا رائے نا رداٹ فیصلہ بنفنگانے نن اللہ تعالیٰ نا اخس کہ شکر ئِ ادا کین کم ئِ۔ اوپارے کہ وزیراعظم محمد نواز شریف نا کنڈآن 6 تُو مست دا چھٹی نوشتہ کننگاسس کہ پاناما پیپرز نا جاست وپاست کن کمیشن اس جوڑ کننگے، خواجہ آصف پارے کہ عدالت نا فیصلہ ہموخلقت نا است خواہی تا نفی ئِ کرینے ہرا دا خوائسرہ کہ وزیراعظم ئِ اونا عہدہ غان اسہ پلو کننگک۔ اوپارے کہ اللہ تعالیٰ نا فضل اٹ وزیراعظم محمدنواز شریف 2018 نا گچین کاری تسکان وزیراعظم پاکستان مریک و دا گچین کاری تیان پد ولدا پنچ سال اکن وزیراعظم پاکستان گچین مریک۔
