پاناماپیپرز اٹی خلوک آ دوبہ غاتا سرجم جاست وپاست کن پٹ وپولی ٹیم (جے آئی ٹی ) اس جوڑ کننگ و اودے 60 دے انا تہٹی تینا رپورٹ ئِ پیش کننگ نا حکم
اسلام آباد۔ 20 اپریل (اے پی پی) سپریم کورٹ پاناما پیپرز کیس اناڈَک کروک فیصلہ ئِ بنفسا پاناما پیپرز اٹی خلوک آ دوبہ غاتا سرجم جاست وپاست کن اسیجائی پٹ وپولی ٹیم (جے آئی ٹی) اس جوڑ کننگ و اودے 60 دے انا تہٹی رپورٹ ئِ پیش کننگ نا حکم تسنے۔ پاناما پیپرز کیس انا سماعت ئِ کروک آ 5 باسکی لارجر بنچ انا سروک جسٹس آصف سعید کھوسہ پنچ شنبے نا دے ڈَک کروک فیصلہ ئِ بنفے۔ جسٹس آصف سعید کھوسہ نا سروکی ٹی جسٹس اعجاز افضل خان ، جسٹس گلزار احمد، جسٹس شیخ عظمت سعید و جسٹس اعجاز الاحسن آ تالان سپریم کورٹ انا پنچ باسکی لارجر بنچ کڑدہ غاتا وکیل آتا دلیل آتا پورو مننگ آن پد 23 فروری آ پانامہ دستاویز کیس انا فیصلہ ئِ ڈک کریسس۔ جسٹس آصف سعید کھوسہ عدالت اٹی اکثریتی فیصلہ ئِ خوانسا بنفے ہراٹی او تینٹ و جسٹس گلزار احمد عدالت عظمیٰ نا ایلو مسہ جج آتیان اختلاف کریر۔
