اسلام آباد۔ 20 اپریل (اے پی پی) وزیر مملکت نیشنل ہیلتھ سروسز ،ریگولیشنز اینڈ کوآرڈینیشن سائرہ افضل تارڑ پارینے کہ وزیراعظم ہیلتھ پروگرام صوبہ غاتا کمکاری آن بناءکننگانے، کینسر نا درمان آ بھاز خڑچ بریک داڑکن جہانی شریدار آتا کمک اٹ کاریم کننگک۔ پنچ شنبے نادے ایوان بالا ٹی وقفہ سوج آتیٹی اوپارے کہ سندھ و خیبر پختونخواوزیراعظم ہیلتھ پروگرام اٹی اوار متوس۔ پرائمری و سیکنڈری گام گیج صوبہ غاتے کروئی ئِ وخت اس کہ مالی کمک بنجا ئِ فراوان کروئی ئِ۔ خیبر پختونخوا نا حکومت تینا ہم اسہ پروگرام اسے نا بنائِ کرینے۔ اوپارے کہ بلوچستان اٹی اسہ پوسکن ئُ لیبارٹری اس جوڑ کننگک ہراڑآن پورو ریکارڈ ئِ یکجا کننگ اٹی کمک رسینگک۔ اوپارے کہ کینسر نا درمان کن اسلام آباد اٹی سینٹر اس جوڑ کننگک۔ غٹ صوبہ غاتے دا بابت آن گام گیج کروئی مریک۔
