اسلام آباد۔ 20اپریل (اے پی پی) مسلم لیگ (ن) ناراہشون مائزہ حمید نا پاننگ ئِ کہ وزیراعظم محمد نواز شریف الس نا ویل آتے اولیت بنداو تیا ایسر کننگ کن کوشست کننگ اٹی ئِ۔ ریڈیو پاکستان تون ہیت وگپ کرسا اوپارے کہ وزیراعظم محمدنواز شریف پاکستان نا باشعور لیڈر ئِ و اودے الس نا ویل آتیان جوانی اٹ سمائِ و دہشت گردی، توانائی تنکی ، کبینی و بے روزگاری کون آ ویل آتے اولیت بنداو تیا ایسر کننگ کن کوشست کننگ اٹی ئِ۔ مائزہ حمید پارے کہ اپوزیشن ملکی شونداری نا کسر اٹی اڑاند شاغنگ نا کوشست کننگ ئِ و ساڑی حکومت الس ئِ شونہال و ملک ئِ شون ہلوک جوڑ کننگ کن سخت کوشست کننگ ئِ۔ اوپارے کہ ملکی الس باشعور ئِ و 2018 ءنا لس گچین کاری تیٹی کارکڑد ئِ ہُرسا حق رائے دہی ئِ کاریم اٹ اتیرہ۔
