کرنل(ر) حبیب ظاہر نا بازیابی کن نیپال ناحکومت تون اواری اٹ کوشست کننگ انگ ئِ
اسلام آباد۔ 20اپریل (اے پی پی) سلاہکار خارجہ سرتاج عزیز پارینے کہ کرنل (ر) حبیب ظاہر نا بازیابی کن نیپال ناحکومت تون اواری اٹ کوشست کننگ انگ ئِ،بنائی جاست وپاست نارداٹ حبیب ظاہر ئِ کھٹمنڈو ایئر پورٹ آ ہلنگ کن بروک آ و ہوٹل اٹی رہینگفوک آ غٹ بندغ آتا تعلق بھارت آن ئِ۔ پنچ شنبے نا دے ایوان بالا ٹی سینیٹر میاں محمد عتیق شیخ نا کرنل (ر) حبیب ناگم مننگ نا بابت تحریک التواءنامنظوری ناتعین نامعاملہ غا پالیسی بیان ترسا سلاہکار خارجہ پارے کہ کرنل(ر) حبیب ظاہر ئِ اسہ کمپنی اس ملازمت کن نیپال آ بٹنگاسس و او لاہو رآن براستہ لندن کھٹمنڈو نا سفر کرے۔ ہراخلقت اودے بالی پٹ آن دننگ کن بسر ، اوفتے کن ٹکٹ و ہوٹل اٹی رہینگ انگ نا بست و بند کریر۔ او غٹ انا غٹ بھارت نا شاری ئسر۔ دا گڑا بنائی جاست وپاست اٹی مون آ بسنے۔ اوپارے کہ اونا خاہوت اونا گمشدگی آن پد جی ایچ کیو تون رابطہ کریر اوکان پد وزارت خارجہ ئِ دا معاملہ آن معلومدار کننگا۔ وزارت خارجہ نیپال اٹی پاکستان نا سفارت خانہ ونیپال ناحکومت ئِ ہم کرنل(ر) حبیب نا گمشدگی نا بابت معلومدار کرے۔ کرنل(ر) حبیب نا گمشدگی نانیپال و پاکستان اٹی ایف آئی آر درج کرفنگانے و نیپالی حکومت تون اواری اٹ اونا بازیابی کن کوشست کننگ انگ ئِ۔

متعلقہ مضامینمصنف کی طرف سے مزید