اسلام آباد۔ 20اپریل (اے پی پی) وزیراعظم نا سلاہکار خارجہ سرتاج عزیز پارینے کہ ڈاکٹر عافیہ صدیقی نا رہائی کن سفارتی کوشست کننگ انگ ئِ۔ پنچ شنبے نا دے ایوان بالا ٹی وقفہ سوج آتیٹی سینیٹر چوہدری تنویر خان و ایلو باسک آتا سوج آتا ورندی ٹی اوپارے کہ پاکستان نا امریکہ تون ڈوہدار تاتبادلہ نامعاہدہ ساڑی ئِ۔ اوپارے کہ ہندن سفارت خانہ ئِ پاکستانی شاری اسے نا حراست نااحوال تننگک ، دمدستی وڑاٹ قونصلر ناکہول آ رسینگ کن رجوع کننگک۔ اوپارے کہ عافیہ صدیقی ئِ قونصلر ناکہول آ رسینگ کن ہم گام گیج کننگ انگ ئِ۔ تعلقدار امریکی کمامدارآک ہم ہمو بندغ آتے ہم وکیل صفائی فراوان کیک ہرافتامقدمہ غاک زیر سماعت ئُ۔ اگہ پاکستانی مشن آن ہم درخواست کننگے تو اوہم ممکنہ کانودی کمک فراوان کیک۔
