اسلام آباد۔ 06 اپریل (اے پی پی) پاکستان تحریک انصاف نا راہشون سینیٹر فیصل جاوید پارینے کہ سپریم کورٹ اٹی اسہ اہم ءُ کیس اسے نا سماعت برجاءِ، دا کیس پاکستان نا وتواجہی نا کیس ءِ، دا کیس پاکستان نا آزاد خارجہ پالیسی نا کیس ءِ، عمران خان غٹ ءِ پارے کہ او غلامانہ زند ءِ تیر کپک ، ہمو قوم تا قدر مریک ہرا تینا نت تیا سلرہ، اسہ ملک اسے تون ہم تعلقداری تے خراب کننگ خواپنہ، دنیا ٹی عمران خان امن نا سفیر ءِ۔ داخیال آتا درشانی ءِ او چارشنبے نادے آ داڑے سپریم کورٹ نا پیشن صحافی تتون گپ وتران اٹی کرے۔ سینیٹر فیصل جاوید پارے کہ 2018 اسکان پاکستانی تے غلامانہ زہنیت اٹ تخنگا ، چار سد ڈرون جلہو مس ولے کس اس توار بڑز کتو، دنیا ہمو قوم تا عزت ءِ کپک ہر اڈومور نا خواست ءِ پورو کیرہ، دنیا ہموفتا عزت ءِ کیک ہرا قومک تینا نت تیا سلر، عمران خان پاکستانی قوم ءِ تینا نت تیا سلفنگ خوائسکہ، پیپلزپارٹی و مسلم لیگ (ن) سی سال اٹی ہمو کاریم ءِ کتوس ہرادے تحریک انصاف عمران خان نا کماشی ٹی مسہ سال اٹی کرے۔ اوپارے کہ پی ٹی آئی بروک آ گچین کاری تیٹی بھلو گیشتری اسے اٹ کٹک، ننتون برآمد آتا کارڈ ءِ، بلین ٹری سونامی کارڈ ءِ، ہیلتھ کارڈ و کورونا ءِ کنٹرول کننگ نا کارڈ ءِ ، عمران خان بطور وزیراعظم پدریسہ کاریم کرے بیرہ پنچ دے انا چھٹی نا عمران خان نا ، عمران خان مرک و زند پاکستان اٹی ءِ، عمران خان وتواجہی نا قول کرے و اودے پورو کرے ۔ عمران خان مسہ تُو آن پد ولدا وزیراعظم مریک و دُوارہ کاریم کیک، عمران خان دا ملک ءِ نت تیا سلفک۔
