اسلام آباد۔ 06 اپریل (اے پی پی) پاکستان تحریک نا راہشون اسد عمر پارینے کہ ننا است خواہی ئسک کہ عمران خان وزیراعظم رہینگے، ملک اٹی ساڑی سیاسی حالیت آتے ہرسا عمران خان الس نا کنڈآ ہِننگ نا فیصلہ کرینے، ساڑی سیاسی حالیت آتیٹی ہندا گچین فیصلہ ءِ کہ الس نا کنڈآ ہِننگے۔ داخیال آتا درشانی ءِ او چارشنبے نادے آ داڑے سپریم کورٹ نا پیشن صحافی تتون گپ وتران اٹی کرے۔ اسد عمر پارے ہراتم قومی سلامتی کمیٹی نا دیوان مسوسس تو گڑاس فیصلہ مسوسس، دیوان اٹی فیصلہ مسوسس کہ باندات ءِ ایوان آ اتنگے، قومی سلامتی کمیٹی نا دیوان آن پد قومی اسمبلی نا دیوان مسوسس، دا بھاز بھلو مسخرہ اسے کہ بیرہ شہباز شریف ءِ قومی سلامتی کمیٹی دیوان نا بابت پاننگا و پین ہچ کس ءِ، بلاول بھٹو، شہباز شریف، و غٹ سیاسی جماعت آتا بھلا لیڈڑآتے سلہ خلنگاسس۔ اسد عمر پارے کہ اسمبلی آ ہراتم نن ہنان بابر اعوان صاحب قرارداد پیش کرے کہ قومی سلامتی کمیٹی دیوان آ حوال اکن بل اس اتنگ نا موکل تننگے، یک و نیم سد آن زیات اپوزیشن باسک آک ہم ایوان اٹی ساڑی ئسر، ووٹنگ مس تو نعرہ خلنگا کہ بیرہ شہباز شریف ءِ پاننگا و پین ہچ کس ءِ پاننگتو، اسٹ آن زیات وار ووٹنگ مس ولے اپوزیشن مسترد کرے، اپوزیشن بروک آ سہب اتون انت اکن خواست کتو کہ دیوان ءِ بٹنگ انگے، ہراتم دا سوج ءِ سپریم کورٹ اٹ چست کننگا ہموتم دا ہرانگ ئسر، اپوزیشن قوم و سپریم کورٹ ءِ کسہ بنفنگ ءِ بند کے کہ اوفتے ہچ سما اف۔ اسدعمر پارے کہ ننا است خواہی ئسک کہ عمران خان وزیراعظم رہینگے، ملک اٹی ساڑی سیاسی حالیت آتے ہرسا عمران خان الس نا کنڈآ ہِننگ نا فیصلہ کرے، ساڑی حالیت آتیٹی ہندا گچین ءُ فیصلہ اسے کہ الس نا کنڈآ ہِننگے۔
