پاک آرمی ، فرنٹیئر کور بلوچستان نا شریداری اٹ کھوسٹ اٹی اسہ دے ئی فری میڈیکل کیمپ اس اڈتننگا

کوئٹہ۔  06 اپریل (اے پی پی) پاک آرمی ، فرنٹیئر کور بلوچستان نارتھ و پی پی ایچ آئی نا شریداری اٹ کھوسٹ اٹی اسہ دے ئی فری  میڈیکل کیمپ اس اڈتننگا، ہراٹی چاہندار ڈاکٹر آک 100 آن زیات ناجوڑ بشمول 55 زالبول آتا درمان و اوفتے دوائی تسر۔ ہندی آبادی پاک آرمی، فرنٹیئر کور بلوچستان نارتھ و پی پی ایچ آئی نا کنڈآن فری میڈیکل کیمپ انا اڈتننگ ءِ ستاکڑزوک گوندسا داوڑنا پین میڈیکل کیمپ خلنگ نا خواست کریر۔