اسلام آباد۔ 06 اپریل (اے پی پی) سی پیک نا رداٹ خصوصی اقتصادی زون تیٹی پاکستان اٹی ترندی اٹ صنعت کاری ءِ مون آ دننگ آن بیدس روزگار نا وارخواہی ودی کیک۔ زرکاری بورڈ کمامدارآتا رداٹ سی پیک نا اولیکو ریسہ ٹی سی پیک نا ڈٹ آک بنداوی پنجر نا شونداری و توانائی نا ڈٹ آتیا تالان ئسر وخت اس کہ ہندن ہندن سی پیک ارٹ میکو ریسہ ٹی پترینگا اوٹی ترندی اٹ خصوصی اقتصادی زون جوڑ کننگ انگ ءِ ہرافتیان صنعتی یونٹ جوڑ مننگ تون اوار اوار روزگار نا وارخواہی ودی مریک و ملک اٹی زرگزرانی سرجزآتے مون آ دننگک۔ خصوصی اقتصادی زون تیٹی آسودہی تا فراوانی صنعتی شونداری ءِ مون آ دیک و روزگار نا وارخواہی ودی کیک ہرا ہندی صنعت آتا بحالی نا پیدواری ءِ کیک۔ ہندی صنعت ءِ خصوصی اقتصادی زون تیٹی جہانی زرکارآتا بریبر آسودہی و اِلنگ آ ہم گپ وتران مننگ ءِ۔
