اسلام آباد۔ 06 اپریل (اے پی پی) پاکستان تحریک انصاف نا راہشون بابر اعوان پارینے کہ ڈپٹی اسپیکر نا رولنگ آ ہلوک آ ازخود نوٹس آ عدالت عظمیٰ ٹی آئین و کانود نا رداٹ دلیل ایتیوہ۔ داہیت ءِ او چارشنبے نادے آ داڑے سپریم کورٹ نا پیشن ہندا بڑزکو ازخودنوٹس نا سماعت آن مست صحافی تتون گپ وتران اٹی پارے۔ بابر اعوان پارے کہ مخلوق ءِ باور کرفنگ کن کسر اس سلاہ مرے کہ پاکستان اٹ کانود و آئین نا بالادستی ءِ۔ اوپارے کہ اپوزیشن نا وکیل آک دلیل تننگ اٹ مسہ دے خلکونو، نن کم وخت خلینہ، ننا دلیل آئین و کانود نا رداٹ مریک ۔ اوپارے کہ داسکان آرٹیکل 63 اے نا تشریح نا بابت ہم فیصلہ بننگ سلوک ءِ۔
