وزیراعظم عمران خان تون راولپنڈی، سرگودھا ، فیصل آباد ، لاہور، گوجرانوالہ،ملتان ، بہاولپور ، ڈیرہ غازی خان و ساہیوال ڈویژن تا صوبائی اسمبلی نا باسک آتا اوڑدہی

لاہور۔ 05 اپریل (اے پی پی) وزیراعظم عمران خان تون راولپنڈی، سرگودھا، فیصل آباد، لاہور، گوجرانوالہ، ملتان، بہاولپور ، ڈیرہ غازی خان و ساہیوال ڈویژن تیان تعلق تخوک آ صوبائی اسمبلی نا باسک آک اوڑدہی کریر۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ گچین مروک السی نمائندہ غاک وزیراعظم نا کماشی آ پورو پت انا درشانی ءِ کریر و السی راجی آسراتی کن برجا چندی حکومتی پالیسی، شونداری ڈٹ، آزاد خارجہ پالیسی و ناموس رسالت و اسلاموفوبیا کن وزیراعظم نا جہانی کہول آ کوشست آتا ستاءِ کریر۔