پاکستان ءِ قائداعظم محمد علی جناح نا ویژن نا رداٹ پوسکن آ اسلامی آسودہی ریاست جوڑ کننگ کن اجتماعی کوشست کروئی مریک، صدر مملکت ڈاکٹر عارف علوی

اسلام آباد۔ 05 اپریل (اے پی پی) صدر مملکت ڈاکٹر عارف علوی پارینے کہ پاکستان ءِ قائد اعظم محمد علی جناح نا ویژن نا رداٹ پوسکن آ اسلامی آسودہی ریاست اس جوڑ کننگ کن اجتماعی قومی کوشست کروئی مریک، تحریک پاکستان نا سرکڑدہ غاتا جہد و قربانی تا بارواٹ آگاہی ءِ ودفنگ نا گرج ءِ۔ داخیال آتا درشانی ءِ او نظریہ پاکستان کونسل (ٹرسٹ) انا ایگزیکٹیو کمیٹی نا باسک آتون گپ وتران کرسا کرے ہرافک سے شنبے نادے  داڑے اوڑتون اوڑدہی کریر۔ اوڑدہی ٹی چیئرمین نظریہ پاکستان کونسل میاں محمد جاوید نا کنڈآن صدر مملکت ءِ ٹرسٹ انا بارواٹی حوال تس۔ حوال اٹی او پارے کہ ٹرسٹ انا بنداوی مسخت حب الوطنی و اسلام نا رغاموک آتے لس کننگ ءِ۔ ٹرسٹ مچ آ ملک اٹی پاکستان ءِ مون تروک ویل آتا بابت آگاہی ودی کننگ کن شرہ و سیمینار اڈ ایتک۔ داوخت آ صدر مملکت پارے کہ پاکستان ءِ قائد اعظم محمد علی جناح نا ویژن نا رداٹ پوسکن آ اسلامی آسودہی ریاست اس جوڑ کننگ کن اجتماعی قومی کوشست کروئی مریک۔ تحریک پاکستان نا سرکڑدہ غاتا جہد و قربانی تا بارواٹ آگاہی ءِ ودفنگ نا گرج ءِ۔ ورناچین ءِ نظریہ پاکستان آن روشناس کرفنگ نا گرج ءِ۔ صدر مملکت نظریہ پاکستان ءِ تالان کننگ ، ورناچین اٹ حب الوطنی نا جوزہ ءِ مون آ دننگ اٹ ٹرسٹ انا کوشست آتا ستاءِ کرے۔