بے پک حالیت آتے برقرار تخنگ، پاکستان نا فائدہ ٹی اف، مخدوم شاہ محمود قریشی

اسلام آباد۔ 05 اپریل (اے پی پی)پاکستان تحریک انصاف نا وائس چیئرمین و مسکوہی وزیر خارجہ مخدوم شاہ محمود قریشی پارینے کہ الیکشن کمیشن اسہ آئینی ءُ ادارہ اسے ہرانا بنداوی زمواری شفاف گچین کاری کرفنگ ءِ، وزیراعظم ءِ اختیار دوئی ءِ کہ او ہراتم چائے اسمبلی تے تحلیل کننگ نا سلاہ ترسا پوسکن آ گچین کاری تا کنڈآ ہِننگ کیک۔ داخیال آتا درشانی ءِ او سے شنبے نادے آ الیکشن کمیشن نا بیان آ ردعمل اٹی کرے۔ اوپارے کہ اسہ کنڈآ ننے اوغانستان اٹی نزوری مون تروک ءِ تو ایلو کنڈآ ہندوستان حادثاتی وڑاٹ میزائل اس یلہ کرسا ڈیہہ نا امن ءِ شیف و بڑز کننگ ءِ۔ داحالیت آتیٹی ملک اٹی بے پک حالیت آتے برقرار تخنگ ، پاکستان نا فائدہ ٹی اف۔ اوپارے کہ داحالیت آتیٹی اسٹ انگا ایسر شفاف گچین کاری تا وخت آ اڈتننگ ءِ۔