اسلام آباد۔ 05 اپریل (اے پی پی) ترجمان قومی اسمبلی وزیراعظم نا برخلاف بے پتی آ رولنگ نا بابت اسپیکر قومی اسمبلی نا بابت میڈیا غا چلینگوک آ خبر آتا سختی اٹ تردید ءِ کرسا پارینے کہ میڈیا چینل آتیا دیوان نا کماشی ءِ کپننگ نا بابت چلیفنگوک آ خبر آک سٹی ءُ۔ سے شنبے نادے آتینا وضاحتی بیان اٹی او پارے کہ اسپیکر قومی اسمبلی تینا برخلاف بے پتی نا تحریک جمع مننگ نا سوب آن دیوان نا کماشی ءِ کپننگ نا فیصلہ کریسس۔ بے پتی آ ڈپٹی اسپیکر نا کنڈآن تروک آ رولنگ آن اسپیکر قومی اسمبلی امنائسک ہراڑآ اسپیکر قومی اسمبلی نا دستخط ساڑی ءِ۔ ترجمان نا رداٹ رولنگ نابابت کیس عدالت عظمیٰ ٹی زیر سماعت ءِ۔ اسپیکر قومی اسمبلی دا چرجوئی ٹی تینا وکیل آتا کمک اٹ تینا موقف ءِ عدالت اٹ پیش کیک۔ دا باندات آ اسپیکر تون پنی سٹی و بے بنداو خبر چلیفنگ آن پاناد کننگے۔
