لاہور۔ 04 اپریل (اے پی پی) لاہور نا اسپیشل سینٹرل عدالت ایف آئی اے نا کنڈآن العربیہ و رمضان شوگرملز انا جعلی اکاؤنٹ اٹی منی لانڈرنگ کیس اٹ مسلم لیگ ن نا صدرو مسکوہی وزیراعلیٰ پنجاب شہباز شریف و اونا مار اپوزیشن لیڈر پنجاب اسمبلی حمزہ شہباز نا عبوری ضمانت آتا منسوخی نا درخواست آ وکیل آتا دلیل پورو مننگ آ فیصلہ ءِ ڈک کرے۔ اسپیشل سینٹرل کورٹ نا جج اعجاز اعوان کیس انا سماعت ءِ کرے۔ سماعت اٹی عدالت اٹی شہباز شریف نا کنڈآن حاضری معافی نا درخواست جمع کرفنگا ہراٹی پاننگاکہ اسلام آباد اٹی شہباز شریف ءِ سپریم کورٹ اٹی درخواست دائر کروئی ءِ ہنداخاطرآن حاضری معافی نا درخواست ءِ منظور کننگے وخت اس کہ حمزہ شہباز عبوری ضمانت نا معیاد چٹنگ آ عدالت اٹ پیش مرسا تینا حاضری ءِ پورو کرفے۔ ایف آئی اے نا پراسیکیوٹر موقف اختیار کرے کہ عبوری ضمانت اٹی ودکی کن دوبہ دار نا تینٹ حاضر مننگ المی مریک، شہباز شریف عدالت اٹ پیش متو۔ عدالت اٹ منی لانڈرنگ نا مقدمہ ٹی شہباز شریف نا عبوری ضمانت منسوخی کن ایف آئی اے نا وکیل سکندر ذوالقرنین موقف اختیار کرے کہ شہباز شریف و حمزہ شہباز 16 ارب روپئی نا منی لانڈرنگ کیس اٹی عبوری ضمانت آٹی ءُ، شہباز شریف و حمزہ شہباز عبوری ضمانت نا ناروا فائدہ ہرفنگ ءُ۔ وکیل ایف آئی اے خواست کرے کہ عدالت ضمانت اٹ ودکی نا پرمان ءِ پدی ہلے۔ شہباز شریف نا وکیل عدالت آن خواست کرے کہ ضمانت منسوخی نا دائر درخواست آدلیل پیش کننگ نا مہلت تننگے۔ شہبازشریف تون سلابت آن پد درخواست آ شرہ کینہ۔ وکیل شہباز شریف پارے کہ ہرا درخواست ءِ ایف آئی اے 2 دے مہالو دائر کرے اوڑآ ایف آئی اے تینٹ نوٹس ہلکونے۔ عدالت حمزہ شہباز نا حاضری خلنگ آن پدہِننگ نا موکل ترسا شہباز شریف و حمزہ شہباز نا عبوری ضمانت آتا منسوخی نا درخواست آ فیصلہ ءِ ڈک کرے۔
