اسلام آباد۔ 04 اپریل (اے پی پی) پاکستان تحریک انصاف نا راہشون چوہدری فواد حسین پارینے کہ پاکستان نا آئین نا رداٹ اسپیکر نا رولنگ ءِ اسہ فورم اسے آ ہم چیلنج کننگ مفک، نن الیکشن کرفنگ کن تیار اُن، صدر مملکت عمران خان و اپوزیشن لیڈر آن عبوری حکومت کن پن بٹنگانے۔ دوشنبےنادے آ ٹی آر ٹی ورلڈ اتون گپ وتران کرسا اوپارے کہ عمران خان پاکستان اٹ پنی آ راہشون ءِ ، پی ٹی آئی مڈل کلاس تپہ نا پارٹی ءِ۔ پاکستان نا الس عمران خان تون مہرومریبت کیک۔ اوپارے کہ نن اسہ وتواجہ قوم و ملک اسے اُن۔ اوپارے کہ پاکستان اٹی عمران خان ءِ سازش نا رداٹ تحریک بے پتی نا کمک اٹ اینک کننگ نا کوشست کننگا۔ اوپارے کہ عمران خان اسہ وار ولدا اِرا تہائی گیشتری دوئی کرسا پدی بریک۔ اوپارے کہ اپوزیشن تینا غیرمقبولیت نا سوب آن گچین کاری عمل آن نرنگ ءِ۔
